อนิยตํ กุสลํ ธมฺมํ ปฏิจฺจ อนิยโต กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[95] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํฯ โลกิยทุกกุสลสทิสํฯ สหชาตวารมฺปิ…เป.… ปญฺหาวารมฺปิ วิตฺถาเรตพฺพํ)ฯ

[96] นิยตํ อกุสลํ ธมฺมํ ปฏิจฺจ นิยโต อกุสโล ธมฺโม อุปฺปชฺชติ เหตุปจฺจยาฯ (1)

อนิยตํ อกุสลํ ธมฺมํ ปฏิจฺจ อนิยโต อกุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[97] เหตุยา ทฺเว, อารมฺมเณ ทฺเว (สพฺพตฺถ ทฺเว), อวิคเต ทฺเว (สํขิตฺตํ)ฯ

นเหตุยา เอกํ, นอธิปติยา ทฺเว, นปุเรชาเต เอกํ…เป.… นกมฺเม ทฺเว…เป.… นวิปฺปยุตฺเต เอกํ (สํขิตฺตํฯ สหชาตวาราทิ วิตฺถาเรตพฺโพ)ฯ

[98] นิยโต อกุสโล ธมฺโม นิยตสฺส อกุสลสฺส ธมฺมสฺส เหตุปจฺจเยน ปจฺจโยฯ (1)

อนิยโต อกุสโล ธมฺโม อนิยตสฺส อกุสลสฺส ธมฺมสฺส เหตุปจฺจเยน ปจฺจโยฯ (1) (สํขิตฺตํฯ)

[99] เหตุยา ทฺเว, อารมฺมเณ ตีณิ, อธิปติยา ทฺเว (นิยเต สหชาตาธิปติ, ทุติเย อารมฺมณาธิปติ สหชาตาธิปติ), อนนฺตเร ทฺเว…เป.… นิสฺสเย ทฺเว, อุปนิสฺสเย ตีณิ, อาเสวเน ทฺเว, กมฺเม ทฺเว…เป.… อวิคเต ทฺเว (สํขิตฺตํ)ฯ

[100] อนิยตํ อพฺยากตํ ธมฺมํ ปฏิจฺจ อนิยโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ

99-1. สอุตฺตรทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

[101] สอุตฺตรํ กุสลํ ธมฺมํ ปฏิจฺจ สอุตฺตโร กุสโล ธมฺโม อุปฺปชฺชติ เหตุปจฺจยาฯ (1)

อนุตฺตรํ กุสลํ ธมฺมํ ปฏิจฺจ อนุตฺตโร กุสโล ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[102] เหตุยา ทฺเว, อารมฺมเณ ทฺเว…เป.… อวิคเต ทฺเว (สํขิตฺตํฯ สหชาตวาโรปิ…เป.… ปญฺหาวาโรปิ สพฺพตฺถ วิตฺถาเรตพฺพา)ฯ

[103] สอุตฺตรํ อกุสลํ ธมฺมํ ปฏิจฺจ สอุตฺตโร อกุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ

เหตุยา เอกํ, อารมฺมเณ เอกํ…เป.… อวิคเต เอกํ (สํขิตฺตํฯ สหชาตวาเรปิ…เป.… ปญฺหาวาเรปิ สพฺพตฺถ เอกํ)ฯ

สอุตฺตรํ อพฺยากตํ ธมฺมํ ปฏิจฺจ สอุตฺตโร อพฺยากโต ธมฺโม อุปฺปชฺชติ เหตุปจฺจยาฯ (1)

อนุตฺตรํ อพฺยากตํ ธมฺมํ ปฏิจฺจ อนุตฺตโร อพฺยากโต ธมฺโม อุปฺปชฺชติ เหตุปจฺจยา… ตีณิฯ (3)

สอุตฺตรํ อพฺยากตญฺจ อนุตฺตรํ อพฺยากตญฺจ ธมฺมํ ปฏิจฺจ สอุตฺตโร อพฺยากโต ธมฺโม อุปฺปชฺชติ เหตุปจฺจยาฯ (1) (สํขิตฺตํฯ)

[104] เหตุยา ปญฺจ, อารมฺมเณ ทฺเว…เป.… อวิคเต ปญฺจ (สํขิตฺตํฯ สหชาตวารมฺปิ…เป.… ปญฺหาวารมฺปิ สพฺพตฺถ วิตฺถาเรตพฺพํ โลกิยทุกอพฺยากตสทิสํ)ฯ

100-1. สรณทุก-กุสลตฺติกํ

1-7. ปฏิจฺจวาราทิ

ปจฺจยจตุกฺกํ

[105] อรณํ กุสลํ ธมฺมํ ปฏิจฺจ อรโณ กุสโล ธมฺโม อุปฺปชฺชติ เหตุปจฺจยา (สํขิตฺตํ)ฯ